اسمع ترى الجوال مآهوب مقطوع

اعجبتني فنقلتها ..

ياللي وراك ظلوع ومن دونك ظلوع
متمركزٍ ف الصّدر كنّك ... وداعـه

ودّي اناقش مع سعادتك .. موضوع
وابغيك تعطيني فقط " نص " ساعـه

صار اتصالك في من اسبوع لاسبوع
حرّمت وصلك .. وإستبحت القطاعه

وتغيّرت فيك إنطباعات .. وطبـوع
وتجدّدت في نظرتك لي ... قناعـه

عيّشتني في كل مرغـوب ممنـوع
وحرمتني من كل .. سمعاً وطاعـه

وعلّمتني إن الجفا لـه كـذا نـوع
وإن الهجر بالـذّات اكثـر بشاعـه

اوّل تجي يمّي من الشّـوق مدفـوع
ومَ احلى من المشتاق غير إندفاعـه

إن غبت عنك تصيح ودموعك دموع
مافيك ل الصّبر الجميل .. إستطاعه

مجنون فيني و " القلم " عنك مرفوع
همّك رضاي ومجتهد .. ف إتباعـه

واليوم .. لا حبل الرجى فيك مقطوع
مشيت درب اللّفلفـه .. واللّكاعـه

واللّي تسبّب في تغيّرك .. مجمـوع
عدم ثقه فينـي .. وبـث الإذاعـه

خل الكلام اللّي من الكذب .. مصنوع
وإخذ الكلام اللّـي تـذوق إنتفاعـه

ماكل هرج يمر " اذانيك " .. مسموع
اربع ارباع اللّـي يمـرّك إشاعـه

لو الحكي بفلوس او شيك .. مدفوع
يمديك ضامي ل الكلام .. وسماعـه

ياشينها لاجاتك " همومك ".. جموع
ولاعاد عندك ل المواجه .. شجاعه

وياشينها لو كان لك حق مشـروع
واقربهم ل قلبك سعى فـي ضياعـه

هذا الكلام الليّ من القلب .. مطبوع
إقرا كلام القلب وشـوف إنطباعـه

وإسمع ترى الجوّال ماهوب مقطوع
شغّال له أربـع وعشريـن ساعـه

يسلمووووووووووووو خيوو عالطرح..
الاكثر من رائع..

دمت بود..

تقبل مروري..
((نغمة أحســاس..!

مشكور أخوي على الطرح الرائع

اللهـ يسلمكـ

يالغلا

ومشكـــــــور