السلام عليكم
عندي موضوع احب اصارحكم بي واتمنى ماتغيرون وجهة نظركم بية
دائما لما ادخل دردشة او ماشابه وابدأ اتكلم مع الشباب الكل ينعجب بية ويبدأ يتكلم وياي ويحاول يتعرف علي اكثر سواء بنات او اولاد بعدين لما يسألوني عن عمري واخبرهم بصراحة عن عمري الحقيقي يبدون ينسحبون ويتغيرون علي ليش ؟؟؟
عمري يااخوان 16 سنة يعني مواليد 1992
فد مرة تناقشت ويا شخص وبدأ يقتنع بافكاري بعدين لما اخبرته بعمري رأسا انسحب
مااطول عليكم السالفة اخوان
لكن الموضوع غاثني اليوم قريت موضوع بمنتدى عراقي واحد متزوج وعنده طفل زين
وعن طريق الموبايل حب بنت
وجاي يطلب المساعدة شلون يسوي يحب زوجتة وبنته ويحب هذه البنية
هذا عمره مو يوصل نهاية العشرينيات اذا مو بالثلاثينات هذا هم عقل وتفكير
واحيانا شباب حتى الاربعينات يوصلون وشوف عقلهم نص طكة انا نفسي اخجل من تصرفاتهم
وهذا مستمر الحكم عالمظهر والعمر مع ان الانسان بعقله مو بعمره
فكمت شأسوي من ادخل اكبر نفسي وخليتلي اميل يناسب الاخرين
المهم انا يمكن تكون مشكلتي مؤقتة لكن المشكلة موجودة الي هي
البشر ماجاي تتصرف على كد عمرها وتحكم على العمر !!!
هذه وجهة نظري وبقت وجهة نظركم
موضوع: كم عمرك ؟؟؟ 
السبت أبريل 25, 2009 10:24 am
